Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

IT-Park «Unbound Tashkent» билан биргаликда халқаро IT-танлов учун саралаш турини ўтказмоқда!

IT-Park «Unbound Tashkent» билан биргаликда халқаро IT-танлов учун саралаш турини ўтказмоқда!

Фото: IT-Park матбуот хизмати

2019 йилнинг 9 август санасида Тошкент шаҳрида «FinTech Abu Dhabi» ва «TIP Summit» глобал IT-танловларининг саралаш тури бўлиб ўтади. Бу ҳақда IT-Park матбуот хизмати хабар берди.

«FinTech Abu Dhabi» молиявий технологиялар соҳасида стартапларни, «TIP Summit» эса «Tech For Good»  соҳасидаги стартапларни тўплайди, масалан HealthTech, Energy df EnvironmentTech шулар жумласидан. Бутун дунё миқёсидаги энг яхши стартап-лойиҳалар сараланадиган танлов финали Бирлашган Араб Амирлиги пойтахти Абу-Даби шаҳрида бўлиб ўтади. «Unbound» жорий йилда ушбу тур учун масъул компанияга айланди.

«Unbound» – бу глобал инновацион платформа бўлиб, бутун дунё бўйлаб рақамли жамият орқали янги ғояларни қўллаб-қувватлайди. «Unbound» компаниясининг энг йирик ҳамкорлари – бу Facebook, Microsoft, Netflix, Huawei, Yahoo!, Mastercard, Bayer ва жаҳонда машҳур бўлган бошқа компаниялардир.

Дастурий маҳсулотлар ва ахборот технологиялари технологик парки (IT-Park) «Unbound Tashkent»нинг жорий йилдаги танловни биргаликда ташкил этувчиси ва миллий ҳамкорига айланди.

«FinTech Abu Dhabi» финал босқичида бутун дунёдан 50 та стартап-жамоа, «TIP Summit»да эса 15 та жамоа иштирок этади. Ўзбекистон Республикасидан тадбирда саралаш туридан ўтган иккита жамоа (1-FTAD, 1-TIP) иштирок этади.

«FinTech Abu Dhabi» ва «TIP Summit» тадбирларида иштирок этиш учун аризалар жорий йилнинг 5 августига қадар қабул қилинади.

(Аризаларни ҳозироқ юборишингиз мумкин, маълумот учун телефон +998 90 325 03 33)

FTAD (FinTech Abu Dhabi)
TIP (Healthcare Envirotech Energytech)

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг