Москвалик полициячилар Қирғизистонлик муҳожирни ўлдиришда гумон қилинаётган уч нафар миллатчи ўсмирларни қўлга олди.

Маълум қилинишича, қотиллик 26 июль куни Москва марказида содир бўлган. Соат таҳминан 22:00да 17, 18 ва 19 ёшли уч ўсмир кўчада сайр қилиб юрганида уларнинг ёнидан қурилишдан қайтаётган 25 ва 32 ёшли қирғизистонлик муҳожирларга ҳужум қилишади.

Ҳужум қилганлардан бири — 19 ёшли дўкон маслаҳатчисининг айтишича, муҳожирлар уларга урушмоқчи бўлгандек қарашган. У газ баллонини олиб, муҳожирларнинг юзига сепган ва шундан сўнг жанжал бошланган.

25 ёшли Ууал исмли муҳожир орқасига пичоқ урилиши натижасида воқеа жойида ҳалок бўлган. Қўлидан жароҳатланган Алтин қочишга муваффақ бўлган.

Безорилар уй-уйларига тарқалиб кетишган, аммо бир ҳафта ўтгач уларни қўлга олишган. Уларнинг уйларидан совуқ қурол, пичоқ, махсус белгили кийимлар, миллатчилик билан боғлиқ адабиётлар ва бошқа буюмлар топилган. Жабрланган муҳожир уларнинг учаласини ҳам таниган.