Наманганда Россиянинг Ядро тадқиқотлари институти билан ҳамкорлик ўрнатилди
Россиянинг Дубна шаҳрида жойлашган Бирлашган Ядро тадқиқотлари институти «Назарий физика» лабораторияси етакчи илмий ходими, физика-математика фанлари доктори, профессор Авазбек Носиров Наманган муҳандислик-технология институтига ташриф буюрди.
Келиб чиқиши ўзбекистонлик бўлган меҳмон институт талабалари ва ёш тадқиқотчилари учун физика фанидан мастер-класс ўтди, деб хабар бермоқда институт ахборот хизмати.
НамМТИ раҳбарияти, талаба ёшлар, профессор-ўқитувчилар иштирокида бўлиб ўтган учрашувда россиялик олим Бирлашган Ядро тадқиқотлари институти фаолияти, олиб борилаётган илмий-тадқиқот ишлари тўғрисида атрофлича сўз юритди.
Мулоқот якунида Наманган муҳандислик-технология институти ҳамда Россия Федерацияси Бирлашган Ядро тадқиқотлари институти ўртасида ўзаро ҳамкорлик шартномаси ишлаб чиқилди ҳамда уни тез кунларда имзолашга келишиб олинди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter