Яна бир автоблогер фаолиятини тугатди
Яқинда Қашқадарё вилоятида фаолият юритувчи икки нафар блогер ИИБ ходимлари билан тортишувдан кейин безориликда айбланиб, ҳар бири 5 суткадан маъмурий қамоқ билан жазоланганди.
Блогерларнинг таъкидлашича, улар ИИБ ходимларига нисбатан қўполлик, ҳақорат қилишмаган. Гаплари исботи ўлароқ бодикамерани кўришни айтишган. Блогерлар иши шу куннинг ўзида Шаҳрисабз шаҳар суди томонидан кўриб чиқилган ва жазо тайинланган.
Жазо муддатини ўтаб чиққан Мақсуд Музаффаров автоблогерлик фаолиятини тугатишга қарор қилганини эълон қилди.
«Менга ота-онамнинг истак-хохиши ҳамма нарсадан муҳим. Мен билан шу вақтгача елкама-елка турган барчага раҳмат», деб ёзув қолдирган у.
Бу автоблогерликдан воз кечилган биринчи ҳолат эмас, бир ярим йилча аввал таниқли автоблогер Бобур Ғаниев ҳам фаолиятини якунлаганини эълон қилганди. У ҳам ИИБ ходимлари билан юзага келган зиддиятдан сўнг ўн беш суткага қамалганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter