Андроид қурилмалар учун Xabar.uz мобил иловаси. Юклаб олиш ×

Икер Касильяснинг устози Тошкентга келди

Икер Касильяснинг устози Тошкентга келди

Фото: www.the-uff.com

Ўзбекистон футбол ассоциацияси ва «Реал Мадрид» клуби академияси ўртасидаги келишувга асосан «Қироллик клуби»нинг 3 нафар мураббийи — Карлос Альберт, Мануэль Агуадо Хил ва Эктор Висенте Тошкентга келди. Бу ҳақда ташкилот расмий сайти хабар берди.

Меҳмонларни Ислом Каримов номидаги Тошкент халқаро аэропортида ЎФА вакиллари, футбол ишқибозлари ҳамда ОАВ ходимлари катта тантаналар билан кутиб олишди.

Айтиш керакки, Карлос Альберт 2008-2015 йиллар давомида «Реал Мадрид»нинг асосий жамоасида дарвозабонлар мураббийи сифатида фаолият юритган ва Икер Касильясдек жаҳонга машҳур дарвозабонга устозлик қилган. Ҳозирда у «Реал Мадрид» клубида методист сифатида иш олиб бормоқда.

Фото: www.the-uff.com

Испаниялик мутахассислар 16 июнга қадар юртимизда бўлиб, болаларга футбол бўйича мастер-класслар ўтаб беришади.

Тадбирлар 1 июндан бошланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг