Gonkongdagi mudhish yong‘in ortidan o‘nlab hibslar boshlandi
Gonkong politsiyasi va Korrupsiyaga qarshi mustaqil komissiya (ICAC) Tay Podagi Wang Fook Court turar-joy majmuasida sodir bo‘lgan yong‘in bilan bog‘liq holda 14 kishini hibsga oldi.
Bu haqda South China Morning Post nashri ICAC rahbari Denni Vu Ying Mingga iqtibos keltirgan.
Hibsga olinganlar orasida bosh pudratchi, konsalting muhandisi va kompaniya subpudratchisi bor.
Dastlabki tergovlarga ko‘ra, ba’zi gumondorlar yong‘in xavfsizligi standartlariga javob bermaydigan 2300 ta himoya to‘rini sotib olishgan. Uning narxi yong‘inga chidamli to‘rning deyarli yarmiga teng.
«Ular undan bino poydevorini o‘rash uchun foydalanganlar, sifatsiz to‘rni yong‘inga chidamli deb ko‘rsatish niyatida», dedi u.
Yong‘in natijasida vayron bo‘lgan binolarni tekshirayotgan qutqaruvchilar bugun yana besh kishining jasadini topdilar, natijada halok bo‘lganlarning umumiy soni 151 taga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter