San-Fransiskodagi «Galaxy Unpacked» tadbirida Samsung Galaxy S26 seriyasiga mansub smartfonlar (S26, S26+ hamda S26 Ultra) rasman taqdim etildi.

Samsung Galaxy S26 Ultra

Smartfonning o‘ziga xosligi — yangi Privacy Display (maxfiylik ekrani) texnologiyasi va kuchaytirilgan quvvatlash tizimiga ega.

Asosiy texnik xususiyatlari

Yangi flagman Qualcomm kompaniyasining eng so‘nggi chipi va yaxshilangan sovitish tizimiga ega.

• Protsessor: Snapdragon 8 Elite Gen 5 (ayrim bozorlarda Exynos 2600).
• Ekran: 6.9 dyuymli Dynamic AMOLED, 120 Gs. Yangi Privacy Display texnologiyasi ekrandagi ma’lumotlarni yondagi odamlardan yashiradi (piksellar nurini faqat to‘g‘ridan qaragan foydalanuvchiga yo‘naltiradi).
• Dizayn: Korpus yupqalashgan (8.3 mm) va burchaklari biroz yumshoqroq ko‘rinish olgan. Og‘irligi — 214 gramm.
• Akkumulyator va quvvatlash: 5000 mA/soat sig‘imli batareya. Simli quvvatlash tezligi 60 Vt gacha oshirildi (30 daqiqada 75 foizgacha to‘ladi). Simsiz quvvatlash esa 25 Vt ni tashkil etadi.

• Asosiy kamera: 200 MP, diafragmasi f/1.4 gacha kengaytirilgan (bu avvalgi f/1.7 ga nisbatan 47 foiz ko‘proq yorug‘lik o‘tkazadi).
• Telefoto: 50 MP (5x optik zum) va 10 MP (3x optik zum). 5x li ob’yektivning diafragmasi f/2.9 gacha yaxshilangan.
• Video: Professionallar uchun yangi APV kodeki qo‘shilgan bo‘lib, u 8K videolarni sifatni yo‘qotmasdan tahrirlash imkonini beradi.

Narxi va sotuv sanasi

Smartfonga oldindan buyurtma berish boshlangan, do‘konlardagi rasmiy sotuvlar 2026-yil 11-martdan boshlanadi.

• 12/256 GB — $1299
• 12/512 GB — $1499
• 16 GB/1 TB — $1799

Ranglar: Cobalt Violet (binafsha), Black (qora), Sky Blue (havo rang) va White (oq).

Samsung Galaxy S26 va S26+

Ikkala model ham endi standart ravishda 12 GB tezkor xotira (RAM) bilan ta’minlangan, bu esa murakkab AI vazifalarini bajarish uchun xizmat qiladi.

Protsessor: So‘nggi avlod Snapdragon 8 Elite Gen 5 (ayrim hududlarda Exynos 2600) chipi o‘rnatilgan.

Ekran:

• Galaxy S26: 6.3 dyuymli FHD+ AMOLED, 120 Gs.
• Galaxy S26+: 6.7 dyuymli QHD+ AMOLED, 120 Gs.

Akkumulyator va quvvatlash:

• S26: 4,300 mA/soat batareya, 25 Vt simli quvvatlash.
• S26+: 4,900 mA/soat batareya, 45 Vt simli quvvatlash.

Ikkala modelda ham simsiz quvvatlash tezligi yaxshilangan (S26+ uchun 20 Vt gacha).

Kamera va dizayn

• Kameralar tizimi: 50 MP asosiy, 12 MP o‘ta keng burchakli va 10 MP telefoto (3x optik zum) linzalari.

Dizayn: Korpus burchaklari Ultra modeliga qaraganda ancha yumshoq va yumaloq ko‘rinishda qolgan.

Ranglar: Cobalt Violet (binafsha), Sky Blue (havo rang), Black (qora) va White (oq).

Narxi va sotuvlar

Samsung Galaxy S26:

• 12/256 GB — $899
• 12/512 GB — $1099

Samsung Galaxy S26+:

• 12/256 GB — $1099
• 12/512 GB — $1299