Руминия президенти Никусор Дан Молдова билан бирлашиш бўйича референдум ўтказиш ғоясини рад этди.

Давлат раҳбари бу масала биринчи навбатда Молдова фуқароларига тегишли эканлигини қўшимча қилди. Ҳозирда, унинг фикрича, улар бу таклифни қўллаб-қувватламайдилар. 

«Биз Молдова Республикаси фуқароларининг танлаган мақсадларига нисбатан хоҳиш-иродасини ҳурмат қиламиз. Агар бирон бир вақтда уларнинг фикри ўзгарса, биз шунга мос равишда ҳаракат қиламиз», деди Никусор Дан Фоcсани шаҳридаги нутқида (Agerpres иқтибос келтирган).

Бироқ, Бухарест Кишинёвнинг Европа Иттифоқига қўшилиш истагини қўллаб-қувватлайди, деб таъкидлади Руминия президенти. 

12 январ куни Молдова Президенти Мая Санду агар бундай референдум ўтказилса, Руминия билан бирлашиш учун овоз беришини айтди. Унинг фикрича, Россия мамлакатга таҳдид солмоқда ва Молдованинг демократик, суверен давлат сифатида мавжудлигини тобора қийинлаштирмоқда.

Молдова Бош вазири Александру Мунтяну бу ғояни қўллаб-қувватлади.