Зеленский Путин билан Женевада учрашмоқчи
Украина президенти Владимир Зеленский ўз жамоасига Владимир Путин билан учрашув ташкил қилиш вазифасини топширди. Бу ҳақда Axios нашри хабар берди.
“Зеленскийнинг таъкидлашича, масалани ҳал қилишнинг энг тўғри йўли Путин билан шахсан учрашишдир. У ўз жамоасига Женевада лидерлар даражасида учрашувни ташкил қилишни топширганини билдирди”, — дейилади хабарда.
Кремлга кўра, агар Зеленский Путин билан шахсан учрашмоқчи бўлса, унда Москвага келиши керак бўлади. 28 январь куни бу ҳақда Юрий Ушаков маълум қилганди. Аммо Зеленский Россия пойтахтига боришдан воз кечган.
Шунингдек, Зеленский Россия қўшинлари чегарадан олиб кетилгандагина Украина Донбассдан ўз армиясини чиқаришини маълум қилган. У ҳудудлар статусини референдум орқали белгилаш имконияти борлигини тан олган ва фронт линиясини мустаҳкамлаш варианти украин жамиятида қўллаб-қувватланиши мумкинлигини таъкидлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter