Rolling Stone журнали 2025 йилда прокатга чиқарилган энг яхши филмлар рейтингини тузди (топ-20).

Биринчи ўринни «Жанг ортидан жанг» драмаси эгаллади. Бош ролларда: Леонардо Ди Каприо, Шон Пенн, Чейз Инфинити, Бенисио дел Торо ва Тейяна Тейлор.

Иккинчи поғонада — «Ҳэмнет», киноасарда ягона ўғлидан жудо бўлган Уилям Шекспир фожиаси ҳикоя қилинади. Филм сценарийси Мэгги О’Фарреллнинг шу номли романи асосида ёзилган. Пол Мескал — Шекспир, Жесси Бакли — унинг рафиқаси Агнесс образини жонлантирган.

Етакчи учликни Стивен Содерберг суратга олган «Қора жомадон — иккиёқлама ўйин» детективи якунлаб берди. Бош ролларда — Кейт Бланшетт ва Майкл Фассбендер (эр-хотин жосуслар образида).

Энг яхши филмлар ўнталигига, шунингдек, «Поездларнинг тушлари», «Янги тўлқин», «Оддий тасодиф», «Инкор этиш услуби», «Мени кечир», «Қойилмақом Марти» ва «Сентиментал қадрият» филмлари кирди.

Иккинчи ўнликда эса: «Питер Ҳужар куни», «Эддингтон», «Универсал тил», «Ҳаммага бахт», «Оруэлл: 2+2=5», «Қандай қилиб қирғовулга айланиш мумкин», «Финикия схемаси», «Романтиклар авлоди», «Франкенштейн» ва «Қуроллар» филмлари.