Путин разведкани танлашига кино сабабчи бўлган
Владимир Путин «разведкачилар ҳақидаги буюк филм»ни кўрганидан сўнг шу касбни танлашга қарор қилган, деди Россия президентининг жамоат лойиҳалари бўйича бошқармаси бошлиғи Сергей Новиков.
Новиковнинг фикрича, кино бош қаҳрамонга тақлид қилиш истаги унинг касбини ҳам оммалаштиришга ҳисса қўшиши мумкин.
«Қаҳрамон А нуқтадан Б нуқтага ўтади, ривожланади, натижаларга эришади. Буни қандай амалга ошириши томошабинни ўзига жалб қилса, у тақлид учун намунага айланади», — деди Новиков кинофорумдаги мубоҳасаларда.
Аввалроқ Путиннинг ўзи мактабда ўқиб юрган пайтида «Қилич ва қалқон» (1968) филмини томоша қилганидан сўнг разведкачи бўлишга қарор қилганини айтганди.
Эслатиб ўтамиз, Владимир Путин 16 йил КГБ ташқи разведкасида (шундан 6 йилини Дрезденда ўтказган) хизмат қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter