«Арсенал» бош мураббийи Микел Артета коронавирусга учради. Клуб карантинга олинади
«Арсенал» бош мураббийи Микел Артета коронавирус билан касалланди. Бу ҳақда клуб томонидан расмий хабар берилган.
Хабарда айтилишича, жамоа футболчилари, мураббийлар штаби ва клуб базасининг аксарият ходимлари карантинга олинади. Шунингдек клуб академиясидан ҳам кўпчилик тиббий кўрикдан ўтказилади.
Артета билан яқин алоқада бўлмаган ходимлар эса яқин вақтлар ичида ишга чиқиши кутилмоқда. База ичида эса дезинфекция ишлари олиб бориляпти.
«Мазам бўлмагандан сўнг тиббий кўрикдан ўтишга қарор қилдим. Коронавирус топилганидан чуқур қайғудаман. Шифокорлар рухсат бергани ҳамоно ишга қайтаман», — дейди Артетанинг ўзи.
«Арсенал»нинг бир нечта ўйини бошқа вақтга қолдирилиши режалаштирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter