БМТ Бош котиби Рамазон муносабати билан баёнот берди
БМТ Бош котиби Антониу Гутерриш муқаддас Рамазон ойининг бошланиши муносабати билан бутун дунё аҳлига мурожаат қилди.
БМТ матбуот хизмати хабар беришича, ташкилот раҳбари Рамазоннинг тинчликка интилиш учун муҳим вақт эканлигини таъкидлаган.
Гутерриш Афғонистондан тортиб Ямангача, Ғазодан тортиб Судангача ва бошқа минтақа ҳамда жойларда одамлар ҳали ҳам можаролар, очлик, мажбурий кўчишлар, дискриминация каби оғир синовлар билан тўқнаш келаётганини таъкидлади.
БМТ раҳбари халқаро жамоатчиликни Рамазоннинг асосий ғоясига эътибор қаратмоқликка чақирди: зиддиятларни енгишга ҳаракат қилиш, азоб-уқубат чекканларга ёрдам бериш ва ҳар бир инсоннинг ҳуқуқи ҳамда қадрини ҳимоя қилиш.
Гутерриш ҳар йили Рамазон бошланиши муносабати билан мусулмон оилаларнинг бирида меҳмон бўлиб, улар билан бирга ифторлик қилади. «Ҳар йили мен Рамазоннинг тинчлик ва раҳмдиллик ғоясидан илҳомланган ҳолда қайтаман», — деди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter