Трамп ва Ким Чен Ин якуний келишувга эриша олмадилар
АҚШ пезиденти Доналд Трамп ва КХДР раҳбари Ким Чен Ин Ханойда кечган саммитда ядро қуролидан тўлиқ воз кечиш бўйича якуний келишувга эриша олмаганлар. Аммо Оқ Уй матбуот котиби Сара Сандерснинг айтишича, учрашувдаги мулоқот конструктив тарзда кечган.
«Улар ядросизлантириш йўли бўйича турли масалаларни муҳокама қилдилар» дея қўшимча қилган Сандерс.
Саммитда Шимолий Корея томони ядросизланишга тайёрлигини маълум қилган эди.
Оқ Уй матбуот котибининг айтишича, умумий масаланинг ҳал қилинмагани кейинги учрашувларга ҳам йўл очиши мумкин.
Ҳозирда ҳар иккала раҳбар ҳам Вьетнам пойтахтидаги саммит бўлиб ўтган меҳмонхонани тарк этишган.
Аввалроқ, Трамп КХДР келажакда Ким Чен Ин билан кўплаб муваффақиятларга эришишини таъкидлаган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter