Россия терма жамоасининг собиқ бош мураббийи вафот этди
Россия терма жамоасининг собиқ бош мураббийи Борис Игнатев 85 ёшида вафот этди.
Борис Игнатевга 2024 йил декабрь ойида онкологик касаллик (ошқозонда ўсимта) ташхиси қўйилган эди.
Игнатев Москванинг "Спартак" клуби тарбияланувчиси ҳисобланади. Футболчилик фаолияти давомида у Ижевскнинг "Зенит," "Ракета," "Волга," Махачқалъанинг "Динамо," Жуковскийнинг "Метеор," Уфанинг "Строител" клубларида ўйнаган.
У мураббийлик фаолиятини 1973 йилда бошлаган ва 1996 йилда Олег Романтсев ўрнига Россия терма жамоасига мураббийлик қилган. Унинг қўл остида терма жамоа 1998 йилги жаҳон чемпионатига чиқа олмаган.
Игнатев 1988 йилда Европа чемпионатида ғолиб чиққан СССР ёшлар терма жамоасига мураббийлик қилган.
Унинг сўнгги иш жойи Москванинг "Торпедо" клуби бўлиб, у ерда 2013 йилдан 2018 йилгача витце-президент лавозимида ишлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter