«Titanik» yo‘lovchisining soati rekord narxda sotildi
«Titanik» kemasining yo‘lovchisi Isidor Shtrausga tegishli bo‘lgan tilladan yasalgan cho‘ntak soati Henry Aldridge and Son auksionida 2,33 mln dollarga sotildi, deb xabar berdi BBC.
Foto: BNPS
Isidor Shtraus — Macy’s tarmog‘i egalaridan biri, katta tadbirkor bo‘lgan.
Isidor Shtraus rafiqasi Ida bilan sayohatga chiqqan edi. «Titanik» aysberg bilan to‘qnashgach, Shtraus qutqaruv qayig‘iga o‘tishdan bosh tortib, cho‘kayotgan kemani tark etmaslikka qaror qiladi. Rafiqasi ham u bilan qoladi. Shtrauslarning qayiqdagi o‘rnini ularning oqsochi egallaydi.
Foto: Getty Images
Vafodor er-xotin voqeasi Jeyms Kemeronning 1997-yildagi filmida ham aks ettirilgan. Sahnalarning birida ular kema cho‘kishidan bir necha daqiqa avval kayutada tasvirlangan.
Kimoshdi savdolar uyi ma’lumotiga ko‘ra, ushbu soatni qidiruv guruhi Shtrausning jasadi va shaxsiy buyumlari bilan birga topgan. Soat marhumning vorislariga topshirilgan. Ida Shtrausning jasadi topilmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter